Ongewone Genade

Send us Fan MailEfesiërs 2:4-6 Maar God is ryk in barmhartigheid en het ons innig lief. Deur sy groot liefde het Hy ons wat dood was as gevolg van ons oortredings, saam met Christus lewend gemaak. Uit genade is julle gered! Ja, in Christus Jesus het Hy ons saam met Hom opgewek uit die dood en ons saam met Hom 'n plek in die hemel gegee, Ons sal waarskynlik almal graag bekend wil staan as ‘n persoon met barmhartigheid, oftewel genade. En al is die konsep van genade so wonderlik en heerlik, word dit daagliks in die praktyk al hoe skaarser.Patrick Ferguson, ‘n Britse soldaat en ervare skut, het in die 1700's sy eie geweer ontwerp en gebou. Dit was in daardie tyd, toe die tegnologie nog nie gevorderd was nie, ‘n groot prestasie.In September1777, tydens die Amerikaanse Burgeroorlog, het hy die geleentheid gehad om 'n vyandelike offisier wat besig was om van hom af weg te ry, met dié wapen te skiet. Ferguson het die kans vir 'n perfekte skoot gehad, maar hy het aan die ander persoon genade betoon deur sy lewe te spaar. Na die tyd het hy gesê: Ek kon, voordat hy te ver buite bereik was, 'n halfdosyn gate in hom geskiet het, maar ek sal nooit 'n man in die rug skiet nie. En weet jy, daardie offisier was generaal George Washington!Ek dink jy sal met my saamstem dat daardie soort genade, om die minste te sê, baie ongewoon is.Efesiërs 2:4-6 Maar God is ryk in barmhartigheid en het ons innig lief. Deur sy groot liefde het Hy ons wat dood was as gevolg van ons oortredings, saam met Christus lewend gemaak. Uit genade is julle gered! Ja, in Christus Jesus het Hy ons saam met Hom opgewek uit die dood en ons saam met Hom 'n plek in die hemel gegee,In die ongenadige wêreld waarin ons leef, sien ons nie dikwels dat daar genade bewys word nie. Vra jouself af; hoe dikwels is jy lus om genade teenoor jou vyand te betoon? Nie so dikwels nie, nè? Maar God is ryk in barmhartigheid en het ons innig lief. Jy is deur God se genade gered.Glo in Jesus. Ontvang God se genade.Dis Sy Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY