ඔස්ට්‍රේලියාවට වැඩමවූ ජය ශ්‍රී මහ බෝධියේ අංකුර බෝධීන් වහන්සේට ඔස්ට්‍රේලියාවෙන් විශේෂ පිලි ගැනීමක්

මීට වසර දෙකකට පමණ පෙර ඔස්ට්‍රේලියාවේ ඉන්න ශ්‍රී ලාංකිකයින්ට විශේෂයෙන්ම බෞද්ධයන්ට ඉතාම වැදගත් සිදුවීමක් සිදු වුනා. ශ්‍රිලංකාවේ අනුරාධපුරයේ වැඩසිටිනා ජයශ්‍රී මහා බෝධීන් වහන්සේගේ අංකුර බෝධීන් වහ්සේ නමක් ඔස්ට්‍රේලියාවට වැඩම කරලා ඔස්ට්‍රේලියාවේ රෝපණය කළා. මෙය සිදු උනේ වික්ටෝරියා ප්‍රාන්තයේ බෙන්ඩිගෝ නගරයේ තියෙන බෝධි ධම්ම විහාරස්ථානයේ. ඉතින් මේ වනවිට මේ අංකුර බෝධීන් වහන්සේට ඔස්ට්‍රේලියාවෙන් විශේෂ පිළිගැනීමක් ලැබිල තියෙනවා. ඔස්ට්‍රේලියාවේ උරුම ලැයිස්තුවට, සුවිශේෂී වටිනාකමක් සහිත ශාකයක් ලෙස මේ අංකුර බෝධීන් වහන්සේ ලේඛන ගත වෙනවා කියල අපිට දැන ගන්නට ලැබුනා.