Pakasaritaan ni Genghis Khan Part 1 Ilocano

Autobiographical historical account about Genghis Khan and his Mongolian empire in Ilocano. This is first of two parts.EXCERPT:Ni Genghis Khan ti makunkuna a kamaingelan ken kabilegan a mannakigubat ken turayen a nagbiag ditoy daga. Isu ti kaaduan ti naparparmekna a dis-disso ket dagitoy ti nangbukel iti kadakkelan a naiturayan a pagarian ditoy lubong. Daytoy ket kasakbayan ti pannakaipatakder ti panagturay ti imperio ti Britania. Nakakaskasdaaw ti kabaelan ni Genghis a daulo ken mangituray. Napagkaykaysana dagidi adu a trib-tribu a nagdaldaliasat kadagiti bambantay ken pat-patag iti Mongolia kasta met kadagiti aglawlawna. Nabalinanna a natengngel dagidi naruay a tribu nga aggiginnubat, agiinnagaw ken agpipinnatay. Napagbalinna ida a dumngeg ken sumurot kenkuana. Napagkaysana dagitoy a dakkel ken nabileg a puwersa nga indauloanna. Nangparmekda dagidi nabayagen a kap- kaputotan a nangiwanwan iti kinabileg kadagiti nabay-bayagen a panawen. Naummongna dagitoy a tribu manipud iti ungto ti Asia iti Daya ken agingga iti tengnga a paset ti Yuropa iti labes ti Laud nga pungto ti Asia. Ngem, no kasano ti kina-indaklanna a mannakigubat, kasta met ti kinadamsakna a kabusor.Adda pammati dagiti managsukisok iti pakasaritaan nga agarup uppat a pulo a riw-riw a tattao ti pinatay dagiti Mongol iti daydi panagturayna a nangidaulo kadagitoy. Nauyong daytoy a rumaut kaduana dagiti nakakabalyo nga abuyotna. Adu a su-syudad ti pinagdamsaakanda manipud MIL DOS SIYENTOS INNEM (1206) agingga iti MIL DOS SIYENTOS DUAPULO KET PITO (1227). Kalpasanda a masakup ti maysa a lugar, awan ti pinakawanda - lalaki man, babai wenno ubing. Napugotan ti ulo dagiti kabusorda wenno linemmesda ida iti kulluong a napunno iti dara dagiti pinatayda. Iti daydi panang-rautda iti Zhongdu (nga itan ket Beijing ti naganna), inusarda dagiti nakemmegda nga armas a disenyo dagiti Tsino. Dagitoy dagidi natibker a puon ti kayo a pagusar ti militar kadagidi a panawen a pang-dungso iti napuskol ken nabileg a ruangan ti pader a naipalikmut iti pagarian tapno mapuersa a maluktan daytoy. CONTINUE WITH PODCAST FOR THE FULL PART 1 EPISODE.