Pelayu Valduvieco: "Tornar un capítulu de Los Bolechas llevaba una xera de nueve hores pa dexalu curiosu"

Una de les vindicaciones más destacaes del movimientu favoratible al asturianu ye’l desenvolvimientu d’una política de normalización llinguística afayadiza nos medios públicos de comunicación asturianos y sobre tou na RTPA. Dientro los pasos que selemente va dando l’ente públicu de comunicación, destacó l’entamu les emisiones d’una serie de dibuxos animaos que ye mui célebre nel país vecín, en Galicia. Trátase de Los Bolechas. Güei nel nuesu programa radio préstanos afondar dende otru puntu vista, que ye’l trabayu que fae la xente que torna los testos al nuesu idioma pa que dempués los actores y actrices interpreten los sos papeles. Dámos-y la bienvenía al estudiante de filoloxía románica y ún de los que tornó Los Bolechas al asturianu, Pelayu Valduvieco….. Música: Trasmerana del Discu Lliendes (2006) del grupu asturianu Xera TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... www.alderiquesdasturies.com