"ప్లాట్ ఫాం పిన్ని " రచయిత శ్రీ సలీం.

కధాభిమానులకు నమస్కారం 🙏ఈ వారం మనం వినబోయే కథ "ప్లాట్ ఫాం పిన్ని " రచయిత శ్రీ సలీం. మానవీయ అంశాలను సరికొత్త కోణంలో చూసి, నిరాడంబరమైన భావాలను , నిరలంకారమైన భాషతో చెప్పడం శ్రీ సలీం ప్రత్యేకత.నానాటికీ అంతరించిపోతున్న మానవ సంబంధాలను , అంతరించిపోతున్న జాతులతో పోల్చి చెప్పి రచయిత ఒక ఆందోళన వ్యక్తం చేసారు కథలో. కథలో ప్లాట్ ఫామ్ పిన్ని జీవిత నేపథ్యం తెలుసుకున్నాక , రచయిత ఆందోళన సమంజసం అనిపించడమే కాదు, మనకు కూడా మనసులో ఆందోళన కలుగుతుంది. నిస్వార్థ చింతనతో , కేవలం మానసిక తృప్తి , ఆనందం కోసం అయినవాళ్ళను ఆదరించి భోజనం పెట్టే ప్లాట్ ఫారం పిన్ని లాంటి వ్యక్తులు అరుదుగా కాదు , అసలు కనిపించని రోజులు వచ్చేశాయి. రచయిత కథలో బట్ట మేక పక్షిని ప్రతీకాత్మకంగా చూపిస్తూ తులసి పిన్ని కధ చెప్పినా , ఇపుడున్న పరిస్థితుల్లో ప్లాట్ఫారం పిన్ని లాంటి వాళ్ళు సలీంగారి కథలో తప్ప ప్రస్తుత వాస్తవిక ప్రపంచంలో లేరు గాక లేరు. కథలో ఒక ఉదాత్త భావన , ఆలోచన ఒక పాత్రద్వారా వ్యక్తం కావడం మాత్రమే ఈ కథ ప్రత్యేకత. వినండి.....ఈ వారం కథ "ప్లాట్ ఫాం పిన్ని " రచయిత శ్రీ సలీం. 🙏 మీ కొప్పర్తి రాంబాబు , ఇండియన్ బాంక్ , విశాఖ సాగరతీరం.