Pleno extraordinario do 11 de outubro de 2019

Sesión solicitada polo Grupo Municipal do Partido Popular para debater unha moción en demanda da reactivación da central térmica das Pontes que, de non producirse, debería levar aparellada a dimisión da ministra en funcións de Transición Ecolóxica, Teresa Ribera. O contido da moción non se chegou a debater ao presentar o BNG unha emenda á totalidade recollendo a postura institucional dos 25 alcaldes e alcaldesas do norte das provincias da Coruña e Lugo, coa que demandan da Xunta e do Estado a elaboración dun plan de reindustrialización para toda esta área.