Podcast-Հարց բժշկին. երիկամի միջմաշկային բիոպսիան երիկամային խնդիրների ճիշտ ախտորոշման ամենաարդյունավետ մեթոդներից մեկն է

Երիկամները բավականին հետաքրքիր և կարևոր կենսական օրգաններ են և երիկամի կառուցվածքաֆունկցիոնալ ամենակարևոր միավորը նեֆրոնն է:  Յուրաքանչյուր երիկամում կա մինչև մեկ ու կես միլիոն նեֆրոն, և հենց այդ նեֆրոնները կատարում են երիկամային բոլոր  ֆունկցիաները, դրանց քանակի փոփոխությունը հանգեցնում է լուրջ խնդիրների: Երիկամները հիմնական արտազատական ֆունկցիայի հետ միասին կատարում են նաև ներզատական ֆունկցիա։ Նրանց կողմից սինթեզվում և արյան մեջ են անցնում հորմոնային բոլոր հատկություններով օժտված մի շարք ֆիզիոլոգիապես ակտիվ նյութեր` էրիթրոպոետիև, կալցիտրիոլ և ռենին: Օրգանիզմում երիկամների ֆունկցիաների, դրանց դերի, մի շարք հիվանդությունների և երիկամի միջմաշկային բիոպսիայի մասին «Արմենպրես»-ի «Հարց բժշկին» նախագծի հերթական հաղորդման  շրջանակում մանրամասնում է ՀՀ ԱՆ Վ.Ա. Ֆանարջյանի անվան Ուռուցքաբանության ազգային կենտրոնի բժիշկ-նեֆրոլոգ Մանյա Տիրացույան-Քարամյանը: