ប្រតិកម្មចម្រុះ ជុំវិញវិធានការរបស់លោក ត្រាំ ដែលបានដំឡើងពន្ធ ៤៩ភាគរយ លើទំនិញនាំចូលពីកម្ពុជា

ប្រធានាធិបតីអាម៉េរិក លោក ដូណាល់ ត្រាំ កាលពីថ្ងៃទី២ ខែមេសា ឆ្នាំ២០២៥ នេះ បានប្រកាសដាក់ពន្ធលើទំនិញ នាំចូលពីកម្ពុជា រហូតដល់ ៤៩ភាគរយ។ នេះជាវិធានការ ដែលលោកត្រាំ អះអាងថា ដើម្បីឆ្លើយតបនឹងពន្ធរបស់កម្ពុជា លើទំនិញអាម៉េរិក ដែលមានចំនួន ៩៧ភាគរយ។ វិធានការរបស់លោកត្រាំ នាំឱ្យកម្ពុជា ក្លាយជាប្រទេសរងនូវការដាក់ពន្ធខ្ពស់ជាងគេបំផុត នៅក្នុងតំបន់អាស៊ាន។ ឡាវ ជាប់ពន្ធ ៤៨% វៀតណាមជាប់ពន្ធ ៤៦% មីយ៉ាន់ម៉ាជាប់ពន្ធ ៤៤% ខណៈដែលប្រទេសសិង្ហបុរី ជាប់ពន្ធតិចជាងគេ ក្នុងអាស៊ាន គឺចំនួន ១០% ប៉ុណ្ណោះ។