អ្នកនាំពាក្យប្រកាសថា រដ្ឋាភិបាល​កម្ពុជា​បន្ត​សកម្មភាព​រស់រវើក​លើ​គ្រប់វិស័យ ខណៈថៃបន្ត​សាងសង់លើ​ដីខ្មែរ

អ្នកនាំពាក្យរាជរដ្ឋាភិបាលកម្ពុជា លោក ប៉ែន បូណា បានប្រកាសថា ការងារការទូត សង្គម សេដ្ឋកិច្ច របស់រាជរដ្ឋាភិបាលកម្ពុជា នៅតែបន្តសកម្មភាពរស់រវើកឥតបង្អែរបង្អង់ឡើយ ទោះបីជាដៃម្ខាង ត្រូវដោះស្រាយបញ្ហាបូរណភាពទឹកដី បន្ទាប់ពីក្រសួងការបរទេសកម្ពុជា បានប្រកាសពីការបន្តរំលោភបំពានរបស់យោធាថៃ លើទឹកដីកម្ពុជា ក្នុងអំឡុងពេលចូលឆ្នាំ កន្លងមកនេះ។