រាជធានីភ្នំពេញរៀបចំផ្លូវថ្មើរជើងនៅ​មុខព្រះបរមរាជវាំង

អាជ្ញាធររាជធានីភ្នំពេញ បានដាក់ឱ្យដំណើរការសាកល្បងលើកដំបូងផ្លូវថ្មើរជើង ឬ Walk Street រយៈពេលពីរថ្ងៃ ក្នុង ១សប្តាហ៍ គឺនៅថ្ងៃសៅរ៍ និងថ្ងៃអាទិត្យ ចាប់ពីម៉ោង ៦ល្ងាច ដល់ម៉ោង ១១យប់ ដោយកំណត់កំណាត់ផ្លូវព្រះស៊ីសុវត្ថិ គឺផ្លូវជាប់មាត់ទន្លេ នៅមុខព្រះបរមរាជវាំង ជាផ្លូវថ្មើរជើង មិនអនុញ្ញាតឱ្យយានយន្ត បើកបរឆ្លងកាត់ឡើយ។ កំណាត់ផ្លូវប្រហែលជា ២គ.មនេះ ទុកសម្រាប់តែអ្នកដើរប៉ុណ្ណោះ។ ការបើកឱ្យដំណើរការផ្លូវថ្មើរជើងថ្មីនេះ ដើម្បីទាក់ទាញទេសចរ។