РОБЕРТ ДАНДАРОВ

Роберт Дандаров на млади години се преселува во САД во потрага по образование и искуство во уметноста. Тој таму останува да живее и твори до денешен ден, но, како што самиот вели, добар дел од инспирацијата ја пронаоѓа во Македонија и македонското животно искуство. Во сликите и графиките на Дандаров може да се препознае критика на она што претставува круг на креирање забуни, заблуди и заборав. Во разговорот тој потенцира дека човекот не се грижи за да си ја „повиши спиритуалноста“ и за тоа дека човештвото масовно страда од депресија. Го прашав Дандаров и за модернизмот како рефлекс на капитализмот, како го искусува процесот на создавање на едно уметничко дело, за неговите последни креации, за уметноста и револуциите, и друго. Слушнете го нашиот разговор и уживајте!