រដ្ឋាភិបាលកម្ពុជា​សម្រេចឱ្យ​បង្កើត​ក្រុម​ជំនុំ​ព្រះត្រៃបិដកឡើងវិញ

រាជរដ្ឋាភិបាលកម្ពុជា បានចេញសេចក្តីសម្រេចចំនួន ៣ចំណុច ដែលជាការតម្កើងដ៏អស្ចារ្យ ក្នុងព្រះពុទ្ធសាសនាខ្មែរ ពាក់ព័ន្ធនឹងគម្ពីរព្រះត្រៃបិដកខ្មែរ។ ក្នុងនោះ រាជរដ្ឋាភិបាល បានសម្រេចឱ្យបង្កើតក្រុមជំនុំព្រះត្រៃបិដកឡើងវិញ និងណែនាំឱ្យរៀបចំពិធីសូត្រព្រះត្រៃបិដកខ្មែរ រៀងរាល់ ៥ឆ្នាំម្តង នៅភ្នំព្រះរាជទ្រព្យ ឬភ្នំឧដុង្គ ដែលមានសក្យមុនីចេតិយ តម្កល់ព្រះបរមសិរីរិកធាតុរបស់ព្រះសម្មាសម្ពុទ្ធ។