រដ្ឋាភិបាលបដិសេធការផ្សាយរបស់លោក សម រង្ស៊ី ដែលថា លោក ហ៊ុន សែន ជាប់ពាក់ព័ន្ធការទិញភាគហ៊ុនក្រុមហ៊ុនថាមពលថៃ

អ្នកនាំពាក្យរាជរដ្ឋាភិបាលកម្ពុជា បានចេញប្រកាសជាលក្ខណ៍អក្សរ ដោយបដិសេធចោលទាំងស្រុងនូវការផ្សាយលើគណនីហ្វេសប៊ុក ឈ្មោះ Sam Rainsy ដែលអ្នកនាំពាក្យរាជរដ្ឋាភិបាល ចាត់ទុកថា ជាព័ត៌មានមិនពិត និងបានចោទប្រកាន់ទាំងបំពានថា លោក ហ៊ុន សែន ប្រធានព្រឹទ្ធសភា មានជាប់ពាក់ព័ន្ធនឹងការទិញភាគហ៊ុន ២៤% នៃក្រុមហ៊ុនថាមពលថៃដ៏ធំមួយ ឈ្មោះ Bangchak ក្នុងតម្លៃរាប់ពាន់លានដុល្លារ តាមរយៈឈ្មួញកណ្តាលជនជាតិអាហ្វ្រិកខាងត្បូង ប៉ុន្តែមូលនិធិសន្តិសុខសង្គមថៃ បដិសេធមិនព្រមលក់ឱ្យ។