Ruma Barbero: "Prestóme muncho esti premiu #AlfonsoIglesias " / Ana M. Sierra presenta “Mientres nos añen les agües”

Esta selmana nel nuesu programa cuntamos con dos convidaos y cola nuesa seición #Deprendilasturianu. Pa entamar, contautamos col músicu y diseñador gráficu Ruma Barbero col que falamos del Premiu Alfonso Iglesias de cómic algamáu en pasaes feches amás d'otros proyeutos nos que trabaya como "Aguantando cachones". El nuesu collaborador, el periodista Inaciu Galán, tuvo en La Revoltosa en Xixón na presentación del primer llibru d'Ana Martínez Sierra “Mientres nos añen les agües” charrando cola propia autora. Pa rematar, ye'l tiempu de la nuesa seición #Deprendilasturianu cola nuesa mayestra Ana María Suárez que güei mos aporta la pallabra lloñe y mos deprendi nomes de páxaros nel nuesu idioma. Música: Trasmerana del Discu Lliendes (2006) del grupu asturianu Xera TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... TV y Radio 100% n’asturianu www.alderiquesdasturies.com