Saolotoga o tapuaiga 2 (Freedom of Worship 2)

OPEN HEAVENSMATALA LE LAGI MO LE ASO TOONAI 10 IANUARI 2026(tusia e Pastor EA Adeboye) Manatu Autu:Saolotoga o tapuaiga 2 (Freedom of Worship 2)Tauloto Tusi Paia: Sefanaia 2:11 “E mata‘utia le ALI‘I e i latou; auā na te fa‘aumatia atua uma o le lalolagi; e ifo tagata ‘iā te ia ta‘itasi i le mea e nofo ai, o nu‘u tumatafaga uma o nu‘u ‘ese.”‭‭Faitauga - Tusi Paia:  Salamo 96:8-13E toatele tagata e naunau e tapuai i le Atua moni e toatasi, peitai e tele vaega e taofia i latou. Mo se faataitaiga, na taofia e Farao le fanauga a Isaraelu mai le tuua o Aikupito e ō atu e tapuai i le Atua seia oo ina saunia e le Atua le auala e faaosofia Farao e tuu i latou e ō. Ina ua saunia e le Atua le ala, sa lē mafai ona faatali Farao seia oo i le taeao e tuu atu ai le fanauga a Isaraelu e ō e tapuai i lo latou Atua. I le po lava lea, ona ia ‘a‘ami atu ‘iā Mose ma Arona, ma ua ia fai atu i ai, “‘Inā tutū ia, ō ‘ese atu ia i lo‘u nu‘u, ‘oulua ‘atoa ma le fānauga a Isaraelu, ō atu ia ‘outou, ma ‘au‘auna i le ALI‘I, fa‘apei ‘ona ‘oulua fai mai na.” (Esoto 12:19-31). Peitai ina ua maea ona ia faia le folafolaga ma faamatuu atu le fanauga a Isaraelu, na toe tuliloa atu e Aikupito e toe aumai e saisaitia pea, peitai na taofia i latou i le Sami Ulaula, ma ua saoloto moni ai loa ma le fanauga a Isaraelu e tapuai i le Atua ( Esoto 14 -15). E leiloa poo e fia tapuai i le Atua peitai e ono iai se mea o loo taofia oe. E te manao e vivii ia te ia ma tau atu i tagata lona lelei, peitai e iai taimi o le a manatua ai sina faafitauli o loo iai pea i lou olaga. O lena faafitauli e ono matuia ma leaga ua fesili ai tagata poo fea ea lou Atua. E te tilotilo atu i lena faafitauli ma faafuaseia ona faigata ona e vivii i le Atua. Ou te folafola atu e afio atu le Atua i le faafitauli lena i lou olaga ma faafilemu uma so’o se mea o taofia oe mai le tapuai ia te ia i le ala tonu o loo e naunau iai, i le suafa o Iesu. Fai mai le Faaaliga 4:11 “Lo matou Ali‘i e, ma lo matou Atua e tatau lava oe ‘ina ‘ia tu‘u atu ‘iā te oe le vi‘iga, ma le fa‘ane‘ene‘ega ma le mana. Auā na e faia mea uma lava, ‘ona o lou finagalo fo‘i e i ai i latou ma ‘ua faia.”‭‭‭‭Na faia mea uma e le Atua mo lona finagalo. Na ia faia lima e patipati mo ia i tapuaiga. Na ia faia lou fofoga e vivii ia te ia ae na ia faia ou vae e siva mo ia. Ma o soo se tagata, pe i totonu o le malo, poo lou aiga, poo soo seisi nofoaga e taumafai e taofia oe mai le tapuai i le Atua ma faafiafia ia te ia, e faafesagai lena tagata ma lona toasa e pei o Farao pe afai e lē salamo. TataloTamā, faamolemole taitai atu a’u i se vaitau fou o le soifua maloloina lelei, mauoa ma maua le saolotoga ou te auauna ai ia te oe e aunoa ma se faalavelave, i le suafa o Iesu, Amene.