Sataiseita mobiluo lītuotne latgalīšu volūdys īsavuiceišonai "Vasals"

Latgalīšu volūda arviņ vaira pasaruoda modernajuos tehnologejuos, kas volūdu padora daīmamuoku plotuokai sabīdreibys daļai i nūdrūsynoj tuos byušonu iz prīšku. Sataiseita mobiluo lītuotne latgalīšu volūdys īsavuiceišonai “Vasals!”, kurā daīmamys četrys spēlis vysaidim volūdys vuiceišonuos leiminim. Spēlē “Vuordi” var papyldynuot latgalīšu volūdys vuordu kruojumu, spēlē “Biļdis” juoatpazeist vysaidys Latgolys vītys, spēlē “Muzyka” juosaklausa latgalīšu dzīšmu vuordi, bet spēlē “Gramatika” var dazynuot daudz vierteiga latgalīšu rokstu volūdys izkūpšonai. Vaira klausītēs sarunā ar aplikacejis idejis autori Vinetu Vilcāni. Latgalīšu kulturys kusteibys “Volūda” sataiseituo mobiluo lītuotne “Vasals!” bez moksys Google Play Store daīmama Android mobilajom īreicem.