Saúde II. Sinais do corazón

Para continuar coa serie de podcast para conmemorar o Día Mundial da Saúde, para pór de relevo a importancia de coidar os nosos corazóns e a promoción de hábitos saudáveis, neste episodio contamos con: Juan José Crespo Sabarís, médico especialista en Medicina Familiar e Comunitaria no Centro de Saúde de Bembrive e Artemio Mojón Ojea, profesor titular de universidade no Departamento de Teoría do Sinal e Comunicacións da UVigo. Ambos son membros do Grupo de Investigación en Bioenxeñaría e Cronobioloxía do Instituto de Investigación Sanitaria Galicia Sur, da Consellería de Sanidade, o Servizo Galego de Saúde e a Universidade de Vigo.Os nosos invitados conversan co xornalista Gabri Fuentes para falarnos de ritmos circadianos, cronobioloxía ou variables vitais. Nela aprendemos a importancia de medir as variables significativas e a súa relación cos ritmos vitais, así como a implicación deste tipo de estudos nas pautas de control e mellora da saúde cardiovascular.Un podcast da UCC+i da Universidade de Vigo que conta coa colaboración da Fundación Española para a Ciencia e a Tecnoloxía (FECYT) - Ministerio de Ciencia, Innovación e Universidades.