Self-Discipline Can Lead To Success In Life.

Self-Discipline လို့ သုံးနှုန်းကြတဲ့ မိမိကိုယ်ကိုစည်ကမ်းရှိခြင်းက လူတိုင်းအတွက် လိုအပ်တဲ့ အရာတစ်ခုဖြစ်ပါတယ်။မိမိကိုယ်ကိုယ်စည်းကမ်းရှိခြင်းဆိုတာ ကဏ္ဍအလိုက် အဓိပ္ပါယ်အမျိုးမျိုးသတ်မှတ်နိုင်သော်လည်း ယေဘုယျ အားဖြင့် တော့ မိမိရဲ့ အတွေးအခေါ်၊ အပြုအမူနဲ့ကိုယ့်ရဲ့ ခံစားချက်များကို ကိုယ်တိုင်ထိန်းချုပ်နိုင်တဲ့ စွမ်းရည်တစ်ခုပဲ ဖြစ်ပါ တယ်။ကိုယ်လုပ်ချင်တဲ့ အရာတွေထက် ကိုယ်လုပ်သင့်တဲ့အရာ၊ မှန်ကန်တဲ့ လမ်းကြောင်းကို လျှောက်ဖို့အပြုအမူကို ထိန်းညှိပေးတဲ့ စွမ်းရည်တစ်ခုလည်း ဖြစ်ပါတယ်။             ကျွန်တော်တို့ကတစ်ခါတစ်လေမှာ ကိုယ်လုပ်သင့်လုပ်ထိုက်တာတွေကို ဘေးကိုဖယ်ထားတတ်ပြီးကိုယ်လုပ်ချင်တာ ကိုပဲ အရင်လုပ်တတ်ကြပါတယ်။ ဒါက စိတ်ကိုအလိုလိုက်ပြီးကိုယ်တိုင်စည်းကမ်းမရှိခြင်းပါပဲ။ ဒီလိုလုပ်ခြင်းက ကြာ လာရင် ကိုယ်လုပ်နေတဲ့အရာတွေကစည်းလွတ်‌ဘောင်လွတ်ဖြစ်လာပြီး ဘဝအတွက် ဆိုးကျိုးတွေကိုသာ ဖြစ်လာ နိုင်ပါ  တယ်။ ဒါ့ကြောင့် အရေးကြီးတဲ့အရာတွေကိုသေချာသိရှိပြီး ထိုအရာတွေကို အရင်ဦးစားပေးလုပ်ဆောင်ဖို့ ကိုယ့်ကိုယ် ကိုယ်လေ့ကျင့်ပေးပါ။ လုပ်ချင်တာထက် လုပ်စရာရှိတာတွေ၊ လုပ်ရမယ့် လုပ်ငန်းဆောင်တာတွေကိုဦးစားပေး လုပ် ဆောင်ဖို့ ကိုယ့်ကိုယ်ကိုယ် အမြဲသတိပေးပါ။