Seriala “Fati” ūtruo sezona ar Kuorsovys goru

Jau cytunedeļ pyrmizruodi pīdzeivuos latgalīšu seriala “Fati” ūtruo sezona, aiz tam šudiņ iz sarunu asam aicynuojuši vīnu nu seriala producentu Arni Slobožaninu, režisoru Edvardu Mikālu i aktrisi Evitu Ciematnieci, kura serialā spieļoj Dinu. Runuosim par producenta i režisora dorbu seriala tapšonys procesā, tuo vydā atkluojūt, kas tod eisti ir “Fati” ūtrajā sezonā. Par rodūšuo procesa izaicynuojumim, kuriozim i akteru dorbu. Seriala ūtrajā sezonā ir puorsamejs fiļmiešonys komandys rodūšais sastuovs, prūti, niu seriala režisors ir Edvards Mikāls, operators – Raivo Freimanis, bet skaņu režisors – Kārlis Butins. Sovpus scenareja autors itūreiz ir Valentins Lukaševičs i daleji ari režisors Edvards Mikāls. Seriala “FATI 2” publiskuo pyrmizruode jau 23. novembrī Latgolys viestnīceibā GORS, piec tam tys byus radzams kinuteatrūs Reigā i Latgolā, tod “Tet” platformā i aptyvai iz Latgalīšu kulturys goda bolvys “Boņuks 2023” laiku, marta suokumu, ari Latvejis Televizejā.