Ships don’t sink because of the water around them; ships sink because of the water that gets in them.

သင်္ဘောတွေက သူတို့ကို ပတ်လည်ဝိုင်းနေတဲ့ ရေတွေကြောင့် မနစ်ပါဘူး။ သူတို့ထဲကိုဝင်လာတဲ့ရေကြောင့်သာနစ်တတ်တာပါ။ သင့်ဘေးနားက ဖြစ်ပျက်နေတဲ့အကြောင်းအရာတွေသင့်အတွေးထဲဝင်လာပြီး သင့်ဘဝကို ဆွဲချသွားတာမျိုး အဖြစ်မခံပါနဲ့။ သင်္ဘောဆိုတာက ရေထဲမှာသွားလာနိုင်ဖို့အတွက် လူတွေ တီထွင်ထားတဲ့အရာ ပါ။ တည်ဆောက်ပုံအရ ရေပေါ်မှာသွားနိုင်ဖို့ ရေပေါ်မှာပေါ်နိုင်ဖို့ဖန်တီးထားတာပါ။ ဒီအတိုင်းနေရုံနဲ့တော့ သင်္ဘောဆိုတာ ရေအောက်ကို မနစ်မြုပ်နိုင်ပါဘူး။ ပြစ်ချက်တစ်ခုကြောင့် အနာအဆာတစ်ခုကြောင့် သင်္ဘောဝမ်းဗိုက်မှာ အပေါက်တစ်စုံတစ်ရာ ဖြစ်ပြီး အဲဒီအပေါက်ကနေတစ်ဆင့် ရေတွေ ဝင်လာမှသာ အဲဒီသင်္ဘောနစ်မြုပ်တာပါ။                                                                                                                                  ကျွန်တော်တို့ ပတ်ဝန်းကျင်မှာ နေ့စဉ် ဖြစ်ပျက်နေတဲ့အရာတွေက မနည်းပါဘူး။ တစ်ချို့သောအရာတွေအဖြစ်အပျက်တွေက နေတော့ ကျွန်တော်တို့တတွေ ဘဝအတွက် မှတ်သားစရာပညာတွေရနိုင်ပါတယ်။ ဒါပေမယ့်တစ်ချို့အဖြစ်အပျက်တွေကတော့ ကိုယ့်အတွက် အကျိူးမရှိတာ မျိုး၊ တစ်ချို့အဖြစ်အပျက်တွေရဲ့ရိုက်ခတ်မှုကြောင့် ကိုယ့်အတွက် ထိခိုက်နစ်နာနိုင်တာမျိုးတွေ ဖြစ်နိုင်ပါတယ်။ ဒါကြောင့်ပတ်ဝန်းကျင်မှာဖြစ်ပျက်နေတဲ့ အရာတိုင်းအတွက် ဆင်ခြင်တတ်အောင်နေရပါမယ်။