Skrywers en boeke: Wenners van LAPA-jeugromankompetisie; Martin Versfeld 115 jaar

12 Augustus 2026: Anschen Conradie gesels oor die wenners van die LAPA-jeugromankompetisie. (Fanie Viljoen se DIE SEUN MET DIE SWAELTJIE, Zelda Bezuidenhout se DIE TUSSENINNERS, en DIE FLUISTERAAR deur Jacolet van den Bergh.) Sy vertel ook meer oor drie boeke vir jonger kinders: Hannes Barnard se GRAPGAT en die eerste twee boeke in die BOBBOB-reeks. Dis geskryf deur Marion Erskine en Heléne de Clercq. Ons herdenk ook die skrywer en filosoof Martin Versfeld se geboortedag 115 jaar gelede. In Johan Myburg se drie bydraes kan jy meer uitvind oor die bibliotekaris van die beroemde Bodlian-biblioteek in Oxford. Hy vertel ook van Wang Jibing,‘n Chinese kos-afleweraar wat met ‘n groot Chinese letterkundeprys bekroon is, en MAY WE FEED THE KING deur Rebecca Perry, wat aangewys is as die wenner van die Waterstones debuutprys vir fiksie.