"సంచారిణీ దీపశిఖ " . రచయిత శ్రీ ఆవంత్స సోమసుందర్

కథాభిమానులకి నమస్కారం.🙏ఈ వారం 2.6.2019 మనం వినబోయే కథ "సంచారిణీ దీపశిఖ " . రచయిత శ్రీ ఆవంత్స సోమసుందర్ . పెద్ద కథ. వినడానికి ఎక్కువ సమయం పడుతుంది.ఈ కథ ఎంచుకోవడానికి ప్రధాన కారణం, ప్రస్తుతం లుప్తమైపోతున్న మానవసంబంధాలు. కొంతకాలం క్రితం ఒక పెద్దావిడ మరుగున పడుతున్న మానవ సంబంధాలను డబ్బుతో ఏవిధంగా పెంచి పోషించిందో , ఆ డబ్బు ద్వారా ఆమె ప్రేమను , అభిమానాన్ని చూరగొన్న బంధుమిత్రులు కూడా ఆమె పట్ల ఎంత గౌరవంగా , అభిమానంగా , బాధ్యతగా వ్యవహరించారో తెలుసుకోవడం కోసం...ఈ కథ.ఎన్నో కుటుంబాలలో వెలుగు నింపిన పాత్ర కథలో జానికమ్మ. వయో వృద్ధురాలైన ఆమె ఔన్నత్యాన్ని ఆమెను సంచారిణీ దీపశిఖ గా అభివర్ణించారు రచయిత. డబ్బు అంతస్సూత్రంగా నడిచిన ఈ కథలో ప్రధాన పాత్రలు డబ్బుతో సంబంధం లేకుండా బాంధవ్యాలు మాత్రమే ముఖ్యం అనేరీతిలో ప్రవర్తించి....మార్క్స్ చెప్పిన మానవసంబంధాలు అన్నీ ఆర్ధిక సంబంధాలే అన్న మాటలను పూర్తిగా త్రోసిరాజనకపోయినా....ఆత్మీయత బంధం, కొంతలో కొంత డబ్బుతో ముడిపడకుండా కలిసి గడపడం వల్ల బలపడుతుంది అనే ఒక సదాలోచనను మన మనసుల్లోకి చొప్పించడానికి ప్రయత్నించిన కధ. ఈ కథలో జానకమ్మ పాత్ర కి ఒక తెలుగు సినిమా పాట చక్కగా అతికినట్టు సరిపోతుంది. "జగమంత కుటుంబం నాది , ఏకాకి జీవితం నాది " అని. రచయిత శ్రీ సోమసుందర్ తెలుగు సాహితీ రంగానికి దిశా నిర్దేశం చేసిన ప్రముఖుల్లో ఒకరు. వినండి "సంచారిణీ దీపశిఖ " కథ. 💐💐🙏కొప్పర్తి రాంబాబు , ఇండియన్ బాంక్ , విశాఖసాగరతీరం.