SUPRĀTKYS PREIĻŪS

„Preiļūs ir interesanti dzeivuot i cīši labi struoduot ... Ideala vīta kur audzynuot bārnus. Vyss ir kompaktai, vyss ir blokus.” Parosti raidejuma “Kolnasāta” rodūšuo komanda iz “Suprātkom” brauce iz kaidu nu Latgolys regiona pogostu centru, sovpus itūreiz bejom nūbraukuši iz vīnu latgalisku i progresivu piļsātu. Juopīzeist, ka Preili izaceļ ar sovu latgaliskumu, jaunīšu aktivitatem, Preilu breivū školu, Borhu dzymtys atstuotū montuojumu i cytom lobom lītom. Iz sarunu Preiļūs,  kulturys noma i muzeja pogolmā sasatykam ar Helēna Viļumu, kura ar saimi iz dzeivi Preiļūs puorsacāluse pyrma treju godu i niu struodoj Preilu breivejā školā par suokumškolys školuotuoju, Preilu breivuos školys školuotuoju Lieni Vilcāni, Preiļu viesturis i lītiškuos muokslys muzeja veiduotuoja i vadeituoju Teklu Bekešu i Preiļu viesturis i lītiškuos muokslys muzeja speciālisti viesturis vaicuojumūs Ilonu Vilcāni.