太麻里台語影視女力 劇場行入影視 用台語演人生

專訪：台語新世代演員 玨君 《臺灣夜市》推出「台語新世代演員」專訪，系列專訪來到Part 2，邀請來自臺東太麻里的台語女演員玨君。伊分享自細漢就參加台語演講比賽，佇台頂感受表演的快樂；大學讀讀戲劇相關科系，也進入北藝大劇場藝術創作研究所進修，今年入選公視臺語台表演班，開始用母語開展影視表演的路。 節目中，玨君分享語言轉換佮發音意識的訓練過程。日常生活用語自然親切，但是一到鏡頭前佮舞台頂，咬音、咬字、喙形、節奏，攏愛閣較精準。講著劇場出身的伊，踏入影視的精差，玨君分享，劇場強調整體身體能量佮視線擴張；影視鏡頭顛倒是會放大所有表情細節，需要重新調整身體節奏。 對未來戲路，玨君表示希望挑戰「外口媠媠、內底垃圾鬼」的反差角色。聽一句話，就通看著玨君，真無仝款的演出想法，閣有啥物精彩的故事，做伙來聽《臺灣夜市》。