Tausi lelei lau avā (Take care of your wife).

OPEN HEAVENSMATALA LE LAGI MO LE ASO LULU 25 MATI 2026(tusia e Pastor EA Adeboye) Manatu Autu: Tausi lelei lau avā (Take care of your wife).Tauloto Tusi Paia: Kolose 3:19 “O ‘outou tane, ‘ia ‘outou alolofa atu ‘iā ‘outou avā, ‘aua fo‘i ne‘i fa‘a‘ono‘ono ‘iā te i latou.”Faitauga - Tusi Paia: Efeso 5:25-29O se tasi o tiute taua o le tane o le tausia lelei o lana avā aua ua foai atu e le Atua ia te ia e tausi ma puipui lelei. O loo faamalosiau mai le faitauga mai le Tusi Paia o le asō i tane ia alolofa ia latou avā e pei o Keriso na alofa i le Ekalesia ma foaiina atu o ia mona. O se tasi o ala e faailoa atu ai e le tane i lana avā e alofa ia te ia, o le avatu lea ia te ia o le faamuamua ma lona taimi. A alofa le tane i lana avā e na te lē tuulafoaia ona manaoga. I le tauloto mai le Tusi Paia o le aso, o loo faatonu mai e le Tusi Paia tane ia alolofa ia latou avā ma aua nei faaonoono iai latou. O lona uiga o le a oo mai tulaga e faaosoosoina ai le tane e faaonoono i lana avā. Peitai e lē tatau i le tane ona toilalo ai. A maea loa ona faaipoipo nisi tane, ua lē toe manatu tele i le mafutaga mafana ma lana avā. O se tasi o auala e tausi lelei ai e le tane le avā o le mafuta mafanafana lelei i taimi uma. E tatau ona fai ma masani le ta’u atu i lana avā e alofa ia te ia, faatau iai ni meaalofa i le tele o taimi ma fai iai ni tala lelei pe iai tagata pe leai ma faafetai faifaipea i lana avā mo mea ua ia faia mo ia. Na tauave e Isaako lenei faamanuiaga mai lona tamā o Aperaamo ma o se fai pisinisi manuia. Peitai i le Kenese 26:8, e tatou te faitau ai sa mafana le mafutaga a Isaako ma lana avā e faapea:,”ona va‘ai atu ai lea o Apimeleko le tupu o Filisitia i le fa‘amalama, fa‘auta fo‘i, ‘ua iloa, ‘ua ta‘a‘alo Isaako ma Repeka lana avā.”E taua tele le iloa e tane e tatau ona latou tausia faalelei ma faaaloalo ia latou avā. A fai e lē lelei le amio a le tane i lana avā, e ono faalavelaveina ana tatalo. Fai mai le 1 Peteru 3:7“Ia fa‘apea ‘outou tane, ‘ia fai le ‘āiga ma le poto, ‘ia fa‘autauta i le tino vaivai o le fafine ma āva ‘iā te ia ‘ona ‘ua tofia fa‘atasi i le ola e foa‘ifuaina mai, ‘ina ne‘i fa‘alavelaveina a ‘outou tatalo.”Afai e tausi lelei e se tane lana avā ma ua fiafia ai o ia, o le a lelei foi lea mo le tane. A fiafia se avā i lana tane, o le a ia lagolago lelei ia te ia, ma e tuleia le tane e ausia faamoemoega o lona olaga. Peitai, afai o le avā sa tatau ona lagolagoina le tane o loo faatigā ma tuulafoai o ia e lana tane, o le a faalavelavea tatalo a le tane. O se tane poto e tausia lelei lana avā ina ia alofaina o ia e le Atua ma ola i se olaga manuia ma le filemu. E tatau i tane ona ia manatu i lana avā ma fuafua lelei le taimi e mafuta mafanafana ai ma ia, i le suafa o Iesu, Amene.