Teenstanders van Brexit neem vir oulaas 'n musikale standpunt in

Britte wat verkies het om in die EU te bly, het besluit om vir 'n laaste keer hulle stem dik te maak. Hulle het besluit dat Beethoven se "Ode aan die Vreugde", nommer 1 op die Britse treffersparade moet wees - JUIS op die historiese dag waarop Brexit sou plaasvind. Die Europese raad het in 1972 besluit dat Beethoven se komposisie voortaan hulle kenwysie sou wees, terwyl die Europese Unie dit in 1993 as hulle amptelike volkslied aangeneem het. Terwyl TEENSTANDERS van Brexit veldtogte gevoer het om landsburgers aan te moedig om dié liedjie vanaf verskeie platforms af te laai, het die sogenaamde "Brexiteers" nie op hulle laat wag nie. Hulle het weer vir Brexit-ondersteuners gevra om 'n liedjie van die komediant Dominic Frisby af te laai. Anna-Marie Jansen van Vuuren doen verslag.