"తెగిన పేగు " రచయిత శ్రీ పిసుపాటి ఉమామహేశం

*శనివారం 16.11.2019 గోదావరీ తీరం , రాజమహేంద్రవరం నుండి కథాభిమానులకు నమస్కారం*.💐🙏*ఈ వారం మనం వినబోయే కథ "తెగిన పేగు " రచయిత శ్రీ పిసుపాటి ఉమామహేశం. కన్యాశుల్కం , వరకట్నం మన సమాజాన్ని ఒక దాని తరువాత మరొకటి పట్టి పీడిస్తున్న దూరాచారాలు. వందేళ్లు పట్టి వేధించిన కన్యాశుల్కం , వదిలింది అనుకునేసరికి , దానిస్థానం లో వరకట్న దురాచారం ఇప్పటికీ ప్రత్యక్ష , పరోక్ష రూపాల్లో కొనసాగుతున్నది. గురజాడ వారి కన్యాశుల్కం ,కాళ్లకూరి వారి వరవిక్రయం నాటకాలు తెలుగు సాహిత్యంలో ఈ దురచారాల్ని ఎండగట్టిన గొప్ప రచనలు. ఇవాళ మనం వినబోతున్న తెగినపేగు , కథ కన్యాశుల్కం దక్షిణాది రాష్ట్రాల మధ్య వివాహ సంబంధ బాంధవ్యాల్ని ఏ విధంగా కడుపు దేవేసే విధంగా , కలచివేసే విధంగా కలిపింది మనకు వివరిస్తుంది. రచయిత చిత్రమైన ప్రశ్న వేస్తారు కథలో....తాళిబంధం కుటుంబ సంబంధాన్ని , రక్త సంబంధాల్ని కూడా తెంపేస్తుందా ? అని. ఇది కథ కాదు , యదార్ధ జీవిత గాధ.ఈ కథ ముగిసిపోవచ్చు. దురాచారం మారిపోయి ఉండచ్చు , కానీ మాసిపోలేదు. మనిషి మనసు మీది మరక తొలిగిపోలేదు. మనసుని ప్రక్షాళన చేసుకుంటే మరక తొలుగుతుంది. ఆ ప్రక్షాళన ఎవరికి వారే కావించుకోవాలి. మంచి సాహిత్యం ఆలోచింపచేసి , కంట తడి పెట్టిస్తే ఆ ప్రక్షాళన జరుగుతుంది. వినండి "తెగిన పేగు " కథ, శ్రీ పిసుపాటి ఉమామహేశం కథ. 🙏మీ కొప్పర్తి రాంబాబు Retd Asst General Manager Indian Bank Vijayawada. ఫోన్ 96770 15158 Mail ID rambabuk. indianbankwms@gmail. com.