#Telive - Bosolwati ngetemfundvo bagcugcutela bafundzi kutsi batilungiselele kusenesikhatsi njengoba sebacalile kubhala luhlolo lwekuvivinyela luhlolo lwekugcina lakamatikuletjeni.

Sekucalile kubhala luhlolo lwekuvivinyela luhlolo lwekugcina lwebafundzi bakamatikuletjeni.  Bosolwati ngetemfundvo becwayisa ngekubaluleka kwekutilungiselela kusanesikhatsi nawungumfundzi kuze ungatikhandzi sewubukene nemsebenti lomnyenti nasekufike sikhatsi sekubhala. Loku batsi kuhambisana nekutetayeta kufundza,  kuhambela imitapo-mabhuku kanye nekubuyeketa umsebenti lesewuwentile. Kukhuluma ngendzaba yekutetayeta kufundza nekutsi kunamuphi umtselela kusasa, simeme umeluleki ngemachinga ekumelana nemphilo lophindze achushise ngemisebenti longayifundzela,  Dr Sanele Gamede (Life Coach & Carreer Consultant/ Lecture.)