The Maltese Web – rumanz ambjentat Malta minn Sean Richardson

The Maltese Web huwa l-ewwel rumanz, stil thriller tal-awtur Awstraljan Sean Richardson. Miżżewweġ mara ta’ nisel Malti, Sean issaħħar bil-ġmiel tal-ambjent, il-kultura, il-lingwa u l-pajsaġġ Malti u ddeċieda li jambjenta f’Malta, l-ewwel rumanz tiegħu, li kien ilu f’moħħu ħafna snin. L-istorja żżommok fuq ix-xwiek mill-bidu sal-aħħar, bil-karattru ewlieni, Marica Debono, investigatur finanzjarju fil-ġlieda tagħha kontra l-ħasil tal-flus u l-esplojtazzjoni Russa fost kriżi finanzjarja fl-Ewropa.