The only person who can set the standards of your life is you, don’t let anyone else define your standard.

သင့်ဘဝအတွက် အဆင့်အတန်းစံနှုန်းစံထားတွေကိုသတ်မှတ်နိုင်တဲ့တစ်ဦးတည်းသောလူကသင်ပါပဲ။ဘယ်သူ့ကိုမှ သင့်ရဲ့ အဆင့် အတန်းကိုမသတ်မှတ်လိုက်ပါစေနဲ့။ ကျွန်တော့်တို့ဘဝအတွက် အဆင့်အတန်း စံနှုန်းစံထားတွေကိုသတ်မှတ်နိုင်တဲ့သူ ဆိုတာ ကျွန်တော် တို့ကိုယ်တိုင်ပဲ ဖြစ်သင့်ပါတယ်။ဖြစ်ရပါမယ်။ တကယ်တော့အဆင့်အတန်းဆိုတာဘာပါလဲ။ နေထိုင်မှု အဆင့်မြင့်တာ။ ကားအကောင်းစားကြီးစီးနိုင်တာ၊နောက်ဆုံးပေါ်ပစ္စည်းတွေတစ်မျိုးပြီးတစ်မျိုးသုံးနိုင်တာ၊ငွေကိုရေလိုသုံးနိုင်တာ၊လက်ညှိုးညွှန်ရာ ဝယ်ခြမ်းစားသောက်နိုင်တာ၊ ရှော့ပင်းမောလ်တွေက အကောင်းဆုံးသောအသုံးအဆောင်အဝတ်အစားတွေကိုဝတ်နိုင်တာ အဲဒါတွေ ကအဆင့်အတန်းလား တကယ်တမ်းဆိုရင် ဈေးကြီးတဲ့ လူတိုင်းမသုံးနိုင်တဲ့ အဆောင်အယောင် အဆင်တန် ဆာတွေကကိုယ့်ကိုအပေါ်ယံသာတောက်ပမှု ကိုပေးစွမ်းနိုင်မှာပါ။ တကယ်တမ်းအဆင့်အတန်းအစစ်အမှန်ဆိုတာကကိုယ့်ရဲ့ အတွင်းစိတ်ရဲ့ကြီးကျယ်မြင့်မြတ်နိုင်မှုလို့သာ သတ်မှတ်ချင်ပါတယ်။ အကောင်းစား ဘရန်းဒက်တွေဝတ်စား ပြီးလူကိုလူလိုမဆက်ဆံတာ၊ ဝိသမလောဘတက်နေတဲ့သူကို ဘယ်လိုနည်းနဲ့မှ အဆင့်အတန်းမြင့်တဲ့သူအဖြစ် မသတ်မှတ်နိုင်ပါဘူး။