တရုတ်အိုလံပစ်ကစားသမားတွေ လူ့အခွင့်အရေး ချိုးဖောက်ခံခဲ့ရလေသလား?

စိတ်ဝင်စားစရာကောင်းတဲ့အကြောင်းအရာတစ်ခု ထွက်ပေါ်လာပါတယ်။ အဲ့ဒါကတော့ တရုတ်အိုလံပစ်ကစားသမားတွေဟာ စခန်းသွင်းလေ့ကျင့်ခံခဲ့ရစဉ်အခိုက်မှာ လူ့အခွင့်အရေးချိုးဖောက်ခံခဲ့ရလေသလားဆိုတာပါပဲ။ အမျိုးသားနှစ်ယောက်တွဲ ဒိုင်ဗင်ပြိုင်ပွဲမှာ ရွှေဆုဆွတ်ခူးသွားတဲ့ တရုတ်ကစားသမားနှစ်ယောက်ကို ပြိုင်ဘက်ကစားသမားတွေက “ဘယ်လိုတွေ လေ့ကျင့်ခဲ့ကြရသလဲ”လို့ မေးခွန်းထုတ်လိုက်ချိန်မှာ ထင်မှတ်မထားတဲ့ အဖြေစကားကို တရုတ်ကစားသမား နှစ်ယောက်ဆီက ကြားသိလိုက်ရပါတယ်။ အဲ့ဒါကတော့ သူတို့ဟာ အိုလံပစ်အတွက် စခန်းသွင်းလေ့ကျင့်ခံရတဲ့အချိန်ကစလို့ မိသားစုနဲ့ မတွေ့ရတာ ၃ နှစ်တောင် ရှိသွားခဲ့ပြီဆိုတာပါပဲ။ အပြင်ထွက်လည်ခွင့် မရှိဘဲ တစ်နေ့ကို ၁၂ နာရီလေ့ကျင့်ရင်း ဘဝကိုဖြတ်သန်းနေခဲ့ရတယ်လို့ တရုတ်ကစားသမား နှစ်ယောက်က ပြောပြခဲ့ကြပါတယ်။ ဒီတော့ တရုတ်အိုလံပစ်ကစားသမားတွေဟာ လူ့အခွင့်အရေး ချိုးဖောက်ခံခဲ့ရလေသလားလို့ မေးခွန်းမေးရဖို့ ရှိလာခဲ့ပါပြီ။