តុលាការកំពូល​ប្រកាស​ពីការ​ទទួលញត្តិ​ស្នើ​ដក​សិទ្ធិធ្វើនយោបាយ​របស់​​លោក រ៉ុង ឈុន

ក្រោយពីសារសំឡេងរបស់លោក ហ៊ុន សែន ដែលបញ្ជាឱ្យបង្រ្កាបលើគណបក្សប្រឆាំង នៅថ្ងៃទី២៧ ខែឧសភា ឆ្នាំ២០២៥ មានការផ្សព្វផ្សាយនូវសេចក្តីប្រកាសព័ត៌មានរបស់តុលាការកំពូល ដែលបានទទួលញត្តិរបស់តំណាងអង្គការសង្គមស៊ីវិល សហគមន៍តំណាងឱ្យប្រជាជន និងយុវជន ដែលជាសមាជិកសហភាពអង្គការសង្គមស៊ីវិល ចំនួន ៥០អង្គភាព ស្នើឱ្យដកសិទ្ធិធ្វើនយោបាយរបស់លោក រ៉ុង ឈុន ទីប្រឹក្សាគណបក្សកម្លាំងជាតិ ដែលបានបំបែកចេញពីគណបក្សភ្លើងទៀនរបស់លោក សម រង្ស៊ី។