#TVnaRadio : Nuevu programa na TPA "L'Alzada" / @IniciativaxAst nel Congresu de llingües minorizaes en Uesca

Entamamos el programa d'esta selmana cola seición #TVnaRadio col nuesu collaborador, el periodista Damián Barreiro, que mos fai un analís fonderu del nuevu espaciu n'asturianu na televisión autonómica. Inaciu Galán, Presidente d’Iniciativa pol Asturianu, faló énte los más de setenta delegaos d'organizaciones en defensa de llingües d'Europa dientro del XXIV Congresu de Llingües y Cultures Europees Amenazaes, en Uesca. Galán esplicó la situación del idioma en distintos ámbitos nos que les alministraciones son responsables de la situación de peligru de desapaición del asturianu, talos como los medios de comunicación públicos, el procesu de recuperación de la toponimia, el sistema educativu y sobre too, la falta d'un estatus llegal pal idioma qu'otorgue la plena igualdá xurídica a los falantes d'asturianu, gallego-asturianu y castellán, que como esplicó "ha pasar pola reconocencia de la oficialidá nel Estatutu d'Autonomía". Música: Trasmerana del Discu Lliendes (2006) del grupu asturianu Xera Igua: Adrián Gradín TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... TV y Radio 100% n’asturianu www.alderiquesdasturies.com