Tyrfingur Tyrfingsson leikskáld

Hann skilaði mér eins og pizzu, segir Tyrfingur Tyrfingsson leikskáld sem kynntist manni sínum á Íslandi, en vegna misskilnings þeirra á milli hélt hann að Tyrfingur væri að ímynda sér að hann starfaði í miðasölu Borgarleikhússins og hætti með honum. Tyrfingur frumsýndi nýverið nýtt verk sem byggist að hluta á ævi ömmu hans. Tyrfingur Tyrfingsson leikskáld er alinn upp af fólki, mikið til konum, með mjög svartan húmor. Það er því kannski ekki að undra að leikverk hans einkennist af mikilli kaldhæðni. Meira að segja legnám ömmu minnar varð að brandara, og ekki einum heldur mörgum bröndurum, segir hann í samtali við Sigurlaugu Margréti Jónasdóttur í þættinum Segðu mér á Rás 1. Það mátti gera grín að öllu og svo er bara kalt á Íslandi, maður verður að vera kaldhæðinn.