Ubuntu Phone n'asturianu con Marcos Costales/La TV na radio con Damián Barreiro (nueva seición selmanal): Star Trek

Nel programa d'esta selmana entamamos con una esbilla de la entrevista que fiximos n'Alderiques d'Asturies TV a Marcos Costales, ún de los responsables d'Ubuntu International onde mos presenta n'esclusiva'l primer móvil que vien col asturianu de fábrica. Fechu hestóricu por ser la primer vegada que se produz. El periodista Damián Barreiro, especialista en tv y con un garrapiellu llibros espublizaos al respeutive, ufrirános toles selmanes una nueva seición áu treslladaremos un mediu tan importante como ye la televisión a la radio, afondando en series, películes, etc que se podríen usar pa normalizar el nuesu idioma asturianu. Música: Trasmerana del Discu Lliendes (2006) del grupu asturianu Xera TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... www.alderiquesdasturies.com