Útlendingamál, Ungverjar samþykkja inngöngu Svía í Atlantshafsbandalagið og orkuskerðingar

20. febrúar 2024 Útlendinga- og hælisleitendamál hafa verið uppspretta núnings og jafnvel beins ágreinings innan ríkisstjórnarinnar um langa hríð. Á fundi hennar í morgun sammæltist stjórnin um aðgerðir í málefnum umsækjenda um alþjóðlega vernd, flóttafólks og innflytjenda, takaá utan um þau mál í heild. Ungverska þingið greiðir atkvæði á mánudaginn kemur um hvort það fellst fyrir sitt leyti á að Svíþjóð fái aðild að Atlantshafsbandalaginu, NATÓ. Öll önnur NATÓ-lönd styðja málið, eftir að Tyrkir gáfu sig í síðasta mánuði eftir langt þref. Orka frá Kárahnjúkavirkjun fer til spillis og nýtist ekki jafn vel og hún gæti gert ef flutningskerfi raforku væri sterkara. Þegar nýtt tengivirki á Hryggstekk í Skriðdal verður tilbúið, eftir þrjú ár verður hægt að draga verulega úr skerðingu á Austurlandi.