‘ഊജ്ജിതാശയ’(നളചരിതം ഒന്നാം ദിവസം)

തന്നെ വെറുതേ വിട്ട നളമഹാരാജാവിന് ഉപകാരം ചെയ്യാം എന്നു പറഞ്ഞ് തിരിച്ചെത്തുന്ന ഹംസത്തിന്റെ നൃത്തപ്രധാനമായ പദം നൃത്തത്തിനു അനുശൃതമായ പ്രയോഗങ്ങളോടെ കുറുപ്പാശാനും കലാ:ഗംഗാധരനും ചേര്‍ന്ന് ആലപിച്ചത്. 'ഓർത്തു കണ്ടോളവും' കുറുപ്പാശാൻ വായുബലത്തോടെയുള്ള തുടക്കത്തിന് പ്രാധാന്യം നൽകുമ്പോൾ ഗംഗാധരശാൻ ചില പ്രയോഗങ്ങളിലൂടെ. 'ഭൂതലസികാ പരി', 'പരിപാഹിനൃപ'(ആവർത്തനത്തിൽ) കുറുപ്പാശാൻ ഇഴുത്തം കൊടുക്കുന്നുണ്ട്. 'നീതനസുഷമം' മേൽസ്ഥായിയിലേയ്ക്ക് സഞ്ചരിച്ച് കുറുപ്പാശാൻ 'വപുരഖിലേക്ഷണ'യിലൂടെ തിരിച്ച് താഴേക്കും. ഗംഗാധരശാൻ 'നൂതന' എന്ന് വായുബലത്തോടെ തുടങ്ങുന്നു. 'കൗതുകമാ തൗതേ' കഴിഞ്ഞ് ഒരു സംഗതി കുറുപ്പാശാൻ സ്പെഷ്യൽ. ഗംഗാധരാശാനും വിടുന്നില്ല. 'ഭൂതദയാ' ഇഴുത്തത്തോടെ ഇരുവരും മനോഹരമായി. 'കെൽപ്പുള്ള' വായുബലത്തോടെ തുടങ്ങുന്നു തുടർന്ന് മേൽസ്ഥായിയിലേയ്ക്ക് 'അപ്രതിമാ ഭവനേ' കഴിഞ്ഞ് ചെറിയൊരു സംഗതി കുറുപ്പാശാൻ വക(ഈവക മനോഹരങ്ങളും പിന്തുടരാൻ പ്രയാസങ്ങളുമായ ചെറുസംഗതികളാണ് കുറുപ്പാശാന്റെ പ്രത്യേകതകൾ) 'നിഷ്ഭലം' 'ഭ' കാരത്തിനൂന്നൽ നൽകികൊണ്ട് ഗംഗാധരാശാൻ 'കാമിനി രൂപിണി.....ശീല‌ വതി മണി', മനോഹരം. 'ഹേമ ആമോദസമ', 'സാ അമരധാമ' എന്നീ പദം ഭംഗിയാപിരിച്ചുള്ള ആലാപനം ഇങ്ങിനെ ഇരുവരും ചേർന്ന് മനോഹരമാക്കിയ ഒരു പദം