Vandana Shiva/ Ekofeminismoa, eta emakumeen, naturaren eta etorkizunaren dekolonizazioa | San

Hitzaldia 2020ko martxoaren 10ean izan zen San Telmo Museoan. Hizlaria Vandana Shiva izan zen. Azken bost mendeetan, kolonialismoak eta patriarkatu kapitalistak emakumeak eta natura kolonizatu dituzte. Orain, gure etorkizuna kolonizatzen eta suntsitzen ari dira, hondamendi klimatikoaren eta seigarren iraungitze masiboaren bidez. Desagertze hau Amerikako herri indigenen %90aren sarraskiarekin hasi zen, 60 milioi indiar gosetera bultzatuz. Gure etorkizunerako mehatxua patriarkatu kapitalistak ezarritako suposizioetan sustraituta dago, non naturak ez duen bizitza propiorik, eta, beraz, mugarik gabe esplotatu daiteke, eta emakumeek jakituriarik eta ezagutzarik ez dutela eta izan behar ez luketela uste izatea. Ekofeminismoak gure lurrak, gure gorputzak kolonizatu dituzten ilusio horiek ezabatzen ditu, eta orain gure buruak kolonizatzen ari dira teknologia digitalen bidez eta big dataren bidez. Emakumeengan eta naturan sormena, autonomia eta autoantolaketarako potentziala aintzat hartzean, ekofemismoak haziak ereiten ditu, espezie eta pertsona guztientzat etorkizun komun duin eta justua izateko. Antolatzailea: Calcuta Ondoan Laguntzailea: Agencia Vasca de Cooperación al desarrollo, San Telmo Museoa. ---------------------------------------------------------------------------------- San Telmo Museoak Erronkak izeneko programazio ildoan gai garaikideen inguruan eztabaidatzeko eta hausnartzeko aukera ematen du, besteak beste, hitzaldi, jardunaldi eta erakusketen bidez. Lantzen dituen gaien artean daude Europa, kulturartekotasuna, iraunkortasuna, berdintasuna, eta bakea eta giza eskubideak. Erronkak programazio ildoa: http://bit.ly/2lwzAdF