Verdraagsaamheid in Slegte Tye

Send us Fan MailJesaja 5:20-21 Verwoesting wag vir hulle wat sê dat sleg goed is en goed sleg, dat donker lig is en lig donker, dat bitter soet is en soet bitter. Verwoesting wag vir elkeen wat dink dat hy slim is en homself wys ag. (NLV) Die samelewing het nogal baie verander in die afgelope vyftig jaar. Dinge wat eens as verkeerd beskou is, het nou nie net reg geword nie, maar dit word selfs gevier en geprys. En dit word van ons geëis om die voorbeeld van die massa te volg. Ons moet allerhande moderne konsepte nie net aanvaar nie, maar ons moet dit entoesiasties omhels – ten spyte van die feit dat ons diep binne-in weet dat dit verkeerd is.Die filosoof en sosiale kritikus, Thomas Mann, is uit Nazi-Duitsland verban toe hy toenemend uitgesproke geword het in sy kritiek oor Adolf Hitler. Hy het eerstehands gesien hoe Duitse geleerdes, die kerke en die gewone burgers Hitler se opkoms geduld het, sy welsprekendheid aanvaar het, sy wreedaardigheid geïgnoreer het en gehoop het dat dit alles sou verbygaan.Die gemeenskap se verdraagsaamheid het ‘n lewenswyse van gelatenheid geword. Soos Mann gewaarsku het, is dit nie slegs gevaarlik om net ter wille van sosiale vrede nie op te staan teen goddeloosheid nie; dit is medepligtigheid. Toe die wêreld begin opgetree het, was dit te laat en het miljoene reeds gesterf. Indien die kwaad nie hanteer word nie, verslind dit jou.Mann het dit goed opgesom toe hy gesê het: Verdraagsaamheid word 'n misdaad wanneer dit op boosheid toegepas word.Jesaja 5:20-21 Verwoesting wag vir hulle wat sê dat sleg goed is en goed sleg, dat donker lig is en lig donker, dat bitter soet is en soet bitter. Verwoesting wag vir elkeen wat dink dat hy slim is en homself wys ag. (NLV)Ons word nie geroep om passiewe waarnemers te bly nie. Ons word geroep om lig in die duisternis te laat skyn – nie deur selfgeregtigheid nie, maar deur waarheid en liefde.Wanneer ons ledig toekyk en die kwaad verdra, of ter wille van gemak, gewildheid of vrees, dit verskoon; neem ons deel aan 'n gevaarlike morele ommekeer wat die Skrif skerp veroordeel.Verwoesting wag vir hulle wat sê dat sleg goed is en goed sleg...Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY