Vreugde wat Jou Oorweldig

Send us Fan MailNehemia 8:10 Hy het ook vir hulle gesê: “Gaan eet ’n lekker maaltyd en drink soet drankies. Deel ook van die kos met mense wat niks voorberei het nie. Hierdie is ’n dag wat aan ons God toegewy is. Moenie terneergedruk wees nie, want die blydskap wat die Here gee, sal julle krag wees! (NLV) Ons lewens bestaan uit twee afsonderlike dele – die dinge wat uiterlik sigbaar is; die dinge wat ons sien, doen en sê, en die dinge wat ons aan die binnekant dink en voel. Hulle is uiteraard aanmekaar verbind, maar daardie diep innerlike lewe bly vir die res van die wêreld verborge.Elke nou en dan breek ons innerlike lewe deur. Ons woede breek uit in driftige woorde; ons liefde in teerheid.Oor die algemeen probeer ons ons negatiewe emosies wegsteek – ons trots, ons wrokke, ons vrese, ons bekommernisse, ons gevoel van ontoereikendheid, ensovoorts. Hierdie emosies spoel soos ‘n wasmasjien om en om in ons harte, dit verdraai ons perspektief; dit vernietig ons verhoudings. En al probeer ons hulle onderdruk, vreet hulle soos kanker aan ons. Maar, moenie jouself bluf nie, al probeer jy dit wegsteek, weet ander mense dat iets verkeerd is.Hoe oorwin jy jou negatiewe emosies? Hoe keer jy dat hulle nie soos 'n oop sweer jou lewe met hulle gif besmet nie? Jy het bonatuurlike krag nodig om hulle baas te raak, om hulle te oorwin en om hulle finaal uit te wis.Nehemia 8:10 Nehemia het gesê: “Gaan geniet keurige kos en soet drankies, en stuur daarvan aan diegene wat niks voorberei het nie. Hierdie dag is heilig aan ons Here. Moenie treur nie, want die vreugde van die HERE is julle krag.” (NIV)Die mense het gehuil toe God se wet hardop vir hulle voorgelees is en hulle het besef hoe skuldig hulle was. Nehemia het hulle egter vermaan om nie bedroef te wees nie, omdat God behae daarin skep wanneer sy mense vrolik is. Sy genade bring krag wat die negatiewe strominge in ons harte heeltemal oorweldig, heeltemal oorwin, heeltemal uitwis.Hierdie dag is heilig aan ons Here. Moenie treur nie, want die vreugde van die HERE is julle krag.Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY