វត្តខ្មែរមៀលយូរ៉ា រៀបចំពិធីបុណ្យចូលឆ្នាំថ្មីប្រពៃណីខ្មែរជាលើកដំបូង

សហគមន៍ខ្មែរនៅតំបន់ជនបទMilduara ដែលស្ថិតនៅភាគពាយ័ព្យរដ្ឋវិចថូរៀ ជិតព្រំប្រទល់រដ្ឋអូស្រ្តាលីខាងត្បូង បានមូលមតិគ្នាកសាងវត្តអារាមតាមបែបពុទ្ធសាសនាខ្មែរនៅទីនោះ ដើម្បីបង្ករភាពងាយស្រួលដល់ប្រជាជនក្នុងការប្រារព្ធពិធីបុណ្យទានផ្សេងៗតាមប្រពៃណីព្រះពុទ្ធសាសនា។ នៅថ្ងៃសៅរ៍ទី៥ ខែមេសា ឆ្នាំ២០២៥នេះ វត្តខ្មែរមៀលយូរ៉ានឹងរៀបចំពិធីបុណ្យចូលឆ្នាំថ្មី ជាលើកដំបូងរបស់ខ្លួន ដែលរំពឹងថានឹងមានប្រជាជនខ្មែរមកចូលរួមយ៉ាងច្រើនកុះករ ទាំងអ្នកនៅមៀលយូរ៉ាផ្ទាល់ អ្នកមកពីក្រុងម៉ែលប៊ន អាឌឺឡែត និងតំបន់ជិតខាងជុំវិញនោះ។ សូមស្តាប់បទសម្ភាសន៍ជាមួយលោក ឈាន សារ៉ុម ដែលជាគណៈកម្មការមួយរូបនៅវត្តខ្មែរមៀលយូរ៉ាដូចតទៅ។