Выпуск 3. Пермакультура і арганічная сельская гаспадарка

У трэцім выпуску "Зялёных Размоў" мы апынемся ў ледзь кранутым восенню Тбілісі каб паслухаць найцікавыя гісторыі Зуры Карбелашвілі, грузінскага майстра пермакультуры і спецыяліста па арганічнай сельскай гаспадарцы. Ён дакладна растлумачыць чым арганічная сельская гаспадарка адрозніваецца ад прамысловай, якія прынцыпы закладзены ў яе аснове і ці павінны арганічныя прадукты каштаваць больш за звычайныя. Дзіўная філасофія і глыбокія веды Зуры ператвараюць размову ў сапраўднае падарожжа, у якім вы таксама даведаецеся якіх памераў былі традыцыйныя грузінскія збаны для віна, чаму ў Тбілісі зараз так спякотна і ці можна зладзіць рэвалюцыю з дапамогай адной саломінкі.