Wat die inflasiekoers beteken vir volgende maand se repokoersbesluit

Ons almal het geweet dat pryse gestyg het in Meimaand. Die brandstofprys het gestyg en voedselpryse was hoër en jy het dit eintlik al aan jou sak gevoel. Gister se Verbruikersprys-inflasiesyfer wys dat die koste van die gemiddelde verbruiker se mandjie goedere en dienste oor die afgelope jaar met 6,5% gestyg het. Die maandelikse styging van April tot Meimaand was 0,7%. Vir ekonome is die vraag wat die stygende inflasie beteken vir volgende maand se repokoersbesluit. * Die Ekonomie Minuut word ondersteun deur die NWU Sakeskool.