Wealthy people see money spent on personal development as an investment.

ဒီနေ့အတွက်စကားလူချမ်းသာတွေပိုပြီးချမ်းသာလာတာ ဘာကြောင့်လဲ? အများအားဖြင့် ကံကောင်းလို့တော့ မဟုတ်ပါဘူး။ချမ်းသာတဲ့ မိသားစုမှာ မွေးဖွားလာတာ၊ ထီပေါက်ပြီး ချမ်းသာလာတာတွေကြောင့်ချမ်းသာတာက လူနည်းစုလောက်သာ ရှိပါလိမ့်မယ်။ဒါဆိုရင် သူတို့ ဘာကြောင့်ချမ်းသာလာတာလဲ၊?လူချမ်းသာတွေက သာမန်လူတွေနဲ့မတူတဲ့ အလေ့အကျင့်တွေရှိပြီးသာမန်လူတွေ မလုပ်တဲ့အရာတွေကို လုပ်ကြတာကြောင့် ဖြစ်ပါတယ်။အောင်မြင်ချမ်းသာတွေကိုပိုပြီးချမ်းသာလာစေနိုင်တဲ့ အလေ့အကျင့်ကောင်းတွေက ဘာတွေဖြစ်မလဲ။  ချမ်းသာတဲ့လူတွေကိုသတိထားကြည့်ကြည့်ပါ။ သူတို့မှာမနက်ခင်း လုပ်ရိုးလုပ်စဉ်တစ်ခု ရှိနေတတ်ပါတယ်။ မနက်ခင်းတိုင်းမှာလူအများစုက နှိုးစက်ကို ပိတ်ပြီး ပြန်အိပ်နေကြချိန်မှာ လူချမ်းသာတွေက သူတို့ရဲ့ချမ်းသာကြွယ်ဝမှုကို တိုးမြှင့်ဖို့ စတင်လုပ်ဆောင် နေကြပါပြီ။လက်ရှိအောင်မြင်ချမ်းသာနေတဲ့ သန်းကြွယ်သူဌေးတိုင်းမှာ နေ့တိုင်းအမြဲတမ်းလုပ်လေ့ရှိတဲ့ မနက်ခင်းလုပ်ရိုး လုပ်စဉ် တွေ ရှိပါတယ်။မနက်ခင်းလုပ်ရိုးလုပ်စဉ်လို့ ပြောတဲ့နေရာမှာ လေ့ကျင့်ခန်းလုပ်တာ၊ ရည်မှန်းချက်တွေကိုပြန်လည်ဆန်းစစ်တာ၊ မနက်စာစားတာ၊ တစ်နေ့စာအတွက် အစီအစဉ်ချတာ စသဖြင့် သူတို့ရဲ့တစ်နေ့တာကို အကောင်းဆုံးဖြတ်သန်းနိုင်စေမယ့်အရာ တွေကို လုပ်ဆောင်လေ့ရှိကြပါတယ်။