What to do if you don't know what to do?

ဒီကမ္ဘာကြီးပေါ်မှာ လုပ်နိုင်တာဘာတစ်ခုမှမရှိတော့သလိုမျိုး၊ ဘာမှအဖိုးမတန်သလိုနဲ့ ဆက်လက်ရှင်သန်ဖို့ ရည်ရွယ်ချက် ရှာ မတွေ့တာမျိုးခံစားရဖူးပါသလား။ ဒီလို ခံစားချက်မျိုးနဲ့ ဘာလုပ်ရမှန်းမသိ လမ်းပျောက်နေတာမျိုးကအသက်အရွယ်မရွေး ခံစား ရနိုင်ပါတယ်။ အထူးသဖြင့် အနာဂတ်က မရေမရာဝေဝါးနေချိန်မျိုးမှာ ပိုသိသာပါတယ်။ ဒီခံစားချက်နဲ့ ရှင်သန်နေလို့ ဘာမှဖြစ် မလာဘူးဆိုတာတော့သတိရပါ။ ဒါ့ကြောင့် ဘဝမှာ ဘာလုပ်ရမှန်းမသိ ဖြစ်နေတဲ့အခါ လုပ်သင့်တဲ့အရာတွေကိုအကြံပေး ချင်ပါတယ်။                                                                 အနာဂတ်အတွက်အစီအစဉ်ဆွဲပါ။ ဘဝအတွက် အနာဂတ်အစီအစဉ်တွေမရှိရင် လမ်းပျောက်သလို ခံစားချက်ကပိုပြင်းထန်လာ တတ်ပါတယ်။ ဒါပေမယ့် ဘဝဆိုတာကလည်း မနက်ဖြန်မှာ ဘာတွေကြုံတွေ့ရမယ်ဆိုတာမသိရလောက်အောင် အချိုးအကွေ့၊ အလှည့်အပြောင်းတွေ များလှပါတယ်။ ဒါပေမယ့်ဘာကိုပဲကြည့်တွေ့ရသည်ဖြစ်စေ ပျော်ရွှင်စရာတွေကို ရှာဖွေဖို့က ကိုယ်တိုင်ရဲ့ တာဝန်ပါပဲ။ ဝါသနာ၊ပျော်ရွှင်စေတဲ့ အရာတွေကို အခြေခံပြီး အစီအစဉ်ဆွဲပါ။ လိုချင်တဲ့ ဘဝတစ်ခုကိုပုံစံချပြီး တဆင့်ချင်းကြိုးစား အကောင်အထည်ဖော်ကြည့်ပါ။