Wolfgang Amadeus Mozart Henyo ti Musika - Ilocano

Inspirational account about Wolfgang Amadeus Mozart’ - his and music in Ilocano language.EXCERPT:Nangrugi idi maikadua a paset ti siglo a SANGAPULO KET PITO (1700) a napagaammoan ti nagan a Mozart idiay lauden a paset ti lubong. Es-essemen dagiti nabibileg a tattao ken dadaulo iti kagimongan ti henyo ti musika a ni Wolfgang Amadeus Mozart agsipud ta idiay lauden ti lubong, ti samiweng ket kasapulan dagiti tattao iti pad-padaya ken panagrambakda. Pagduyosan dagiti sosyedad ken makipagili daytoy a liwliwa. Masansan a pagraray-awanda ti uray agdengngeg iti samiweng laeng ket makaanay daytoyen a makaigapu ti panag-gigimongda. Nasken idiay lauden a paset ti lubong ti makaadal iti musika. Ngem ti musika nga aggapu iti laud ket maigidiat iti samiweng a kabukbukodan dagiti tattao iti dayaen ti lubong a kas iti Tsina, Hapon, India, Arabia, Malaysia, Indonesia ken agraman Pilipinas.Iti agdama, kaaduan a samiweng a mapartuat ken mang-mangngeg a naggapu kadagiti dadduma a nasyon, ket nangadaw iti adal kadagiti partuat a komposisyon dagiti naadalan a musikero idiay Amerika ken Yuropa. Kaaduan a pondar dagitoy a musika ket addaan bambanang a naggapu kadagiti samiweng a klasiko a pinartuat dagidi immun-una a kompositor ti musika idiay lauden a paset ti lubong.Segun kadagiti sukimat ti siyensa maipanggep ti koneksiyon ti musika iti pannakasukog ken panangpasayaat iti panagpanunot, naduktalan a dakkel ti iranud ti panagensayo iti musika iti pannakabael ti kapanunotan nga agrason. Makatulong pay daytoy iti pannakabael nga agadal iti sabali a lengguahe ken pagsasa-o. Daytoy ket gapu ta ti panagadal iti musika ket maipapan iti panagawat iti nailanad nga annuroten tapno maibuksilan daytoy. Dagita nga annuroten ken iwayat babaen ti panangaramat ken panangiturong iti aweng. Nabileg a pagduyosan dagiti tattao ti makaay-ayo nga aweng Napateg kadagiti nadumaduma a kultura ken sosyedad iti lubong daytoy a pangliwliwa ken pagrarambakan iti panaggigimongda. Kas met kadagiti dadduma a klase ti artes - pelikula, drama, panagsala, pabuya iti entablado wenno telebisyon, ti musika ket maysa a nasken a paset ti industriya a pangliwliwa. Adu dagiti nagadal a kompositor, taga-urnos ti piyesa, musikero ken kumakanta ti nagballigi a nangpasayaat iti panagbiagda babaen ti panangusarda iti abilidad ken adalda iti musika. Adda pay dagiti bimmaknang ken nakagteng iti nangato nga estado iti sosyedad ken iti gobyerno. Adda met dagiti henyo a naisang-sangayan ti galadna ken addaan ti karkarna nga abilidad a makamemorya iti melodia uray maminsan laeng a mangngegna daytoy. Daytoy a galad ket mabalin nga agparang uray iti kinaubing pay ti maysa nga addaan naisangsangayan nga abilidad iti musika. Kasta met a karkarna ti kapardas ti kasta a henyo a makaadal ken mangpartuat iti baro ken naisalsalumina a samiweng.CONTINUE ON. Listen to the PODCAST for the full narrative.