写给一年将近的自己（附文本）

获取本节目图文、视频和配乐请搜索公众微信号：NJ宇婷 抖音：NJ宇婷&轻松学粤语  个人微信：592921525(学粤语)另外宇婷成立个粤语速成班、主持播音班【（添加个人微信 592921525咨询报名、或需要自学粤语课件+视频+音频mp3（实用性强）的朋友也可添加咨询】配乐：《人间天堂》——卢冠廷执相簿嘅时候，耳机入面突然飘出一句：“愿昨天的少年来日一天明白人间天堂就在心的深处”。窗外面凉风吹过，先至发觉，又企喺年尾嘅门口啦。呢一年，你过得好唔好啊？系按部就班活成咗计划表入面嘅款，定系喺无数次“计划之外”嘅转弯入面，摸到咗生活最真实嘅纹路？年初写喺记事贴上面嘅愿望，有啲已经开花结果，有啲仲喺遥遥相望。但系呢一年最大嘅得着，就系终于唔再执着于“一定要去到”，反而学会喺磕磕绊绊嘅过程入面，一啲一啲认出自己嘅样。嗰啲独自赶路嘅夜晚教识我：女仔真正嘅退路，从来唔系边个嘅避风港，而系自己搵钱嘅底气、消化情绪嘅智慧，仲有随时可以重新嚟过嘅勇气。生活原本就系一杯清淡嘅苦茶，味道浓淡，全靠自己亲手调。关于人与人之间嘅关系，亦终于睇通透：有啲人只可以陪你走一段路，唔使勉强挽留；有啲人明你沉默入面嘅千言万语，一定要好好惜。成年人嘅相处，褪咗初见��阵嘅热情，剩低嘅尊重、信任同界限感，先至系关系最稳阵嘅底色。唔再追问“点解”，唔再赌“我对你好，你就会珍惜”。我哋始终要明白，月未圆嗰阵最靓，因为仲有生长嘅余地；人唔求全嗰阵最自在，因为唔使畀完美嘅幻想绑住。呢一年，几多個深夜，我都曾独自缝补心入面嘅破洞，细密嘅针，冇畀任何人睇见。但正系呢啲沉默嘅修补，先至令脚下嘅路，一寸比一寸扎实。原来人唔系突然变坚强嘅，系喺每一句“算啦”“冇事”“我得㗎”入面，静静换掉咗骨子里嘅懦弱。成长大概就系噉样：酒后嘅说话越嚟越少，清醒��阵嘅脚步却越嚟越稳；唔再追住问“点解”，反而学会咗对自己温柔啲。呢一年，迷失过方向，亦都重建过自己；流过唔值钱嘅眼泪，变得硬正好多。只想同自己讲：辛苦晒啦，你做得已经好叻喇。我哋终归会成为自己嘅故人，亦终会成为自己嘅来日。喺无数次告别同重建嘅循环入面，终于肯定：真正嘅成长，唔系要做个完美嘅人，而系做个完整嘅自己——允许自己脆弱，亦接纳自己坚韧；允许自己迷茫，亦相信自己会清醒。多谢你，喺每一个想逃避嘅瞬间，都多行咗一步；多谢你，守住咗心入面��一缕唔肯熄嘅微光。