Your past is not the same as your future.

တောက်ပတဲ့ အနာဂါတ်ကို ရှိဖို့ဆိုတာလူတိုင်းလိုချင်တဲ့ ပန်းတိုင်ဆိုတာ‌ သေချာပါတယ်။ ပညာရေး၊ အောင်မြင်မှု၊ ပျော်ရွှင်တဲ့မိသားစုရှိခြင်း၊ ကျော်ကြားခြင်း၊ ချမ်းသာမှု စတာတွေကတော့ လူအများစုအဓိပ္ပါယ်ဖွင့်လေ့ရှိတဲ့ တောက်ပတဲ့ အနာဂတ် သတ်မှတ် ချက်တွေပဲ ဖြစ်ပါတယ်။ နားဆင်သူတို့ကရောဘယ်လိုမျိုး တောက်ပတဲ့ အနာဂတ် နေ့ရက်တွေကို ပိုင်ဆိုင်ချင်ပါသလဲ။ ဘယ်လို အရာမျိုးကကိုယ့်ရဲ့ အနာဂတ်ပန်းတိုင် ဖြစ်ပါစေ၊ ကိုယ်တိုင် ကိုယ်လိုချင်တဲ့ အရာကိုသေချာသိဖို့လိုပါတယ်။ ဒီလိုသေချာသိရင် အနာဂတ်ကို ကိုယ်တိုင်ဖန်တီးနိုင်မှာပါ။                   လိုချင်တဲ့အနာဂတ်ကို ရရှိဖို့ဆိုရင် ကျရှုံးမှုတွေ၊ ဆုံးရှုံးမှုတွေ ဒါမှမဟုတ် ဆိုးရွားတဲ့အတွေ့အကြုံတွေ၊ ဆိုးရွားတဲ့အဖြစ်အပျက်တွေ ကိုလည်းကြုံတွေ့ရနိုင်ပါတယ်။ ဒီလိုအရာတွေကို ရင်ဆိုင်နိုင်ဖို့ လိုအပ်ပါတယ်။နောက်တစ်ချက်ကတော့ ဘယ်လိုပဲ ကျရှုံးမှုတွေ ကို ကြုံခဲ့ရပါစေရှေ့ဆက်လျှောက်ဖို့ပဲ လိုပါတယ်။ အတိတ်မှာ နစ်မွန်းမနေဘဲ ရှေ့ဆက်လျှောက်မှာသာလိုချင်တာကို ရရှိ နိုင်မှာ ဖြစ်ပါတယ်။ စာရေးဆရာတစ်ယောက်ဖြစ်တဲ့ Anthony Robbins က “မင်းရဲ့အတိတ်ဟာ မင်းရဲ့အနာဂတ်နဲ့ မတူဘူး၊အရေးကြီး တာက မင်းအတိတ်မှာ ဘာလုပ်ခဲ့လဲဆိုတာမဟုတ်ဘဲ အခုမင်းဘာလုပ်နေလဲ ဆိုတာပါပဲ” လို့ဆိုခဲ့ပါတယ်။