自義賊廖添丁出發 台文遊戲鼻祖開創新可能

專訪：遊戲製作人Maso Lim（林秉舒） 台語、文進入各大創作領域，實在是有夠衝，遊戲就是一例。《臺灣夜市 Taiwan Yes!》訪問遊戲製作人Maso Lim，伊分享伊開發《神影無踪廖添丁》台文遊戲ê歷程。 自碩士論文的想法湠到遊戲市場ê落實，Maso指出語言本身就是文化體驗ê一部分。伊認為台語文的實踐真重要，若準遊戲內底使用華語字幕，玩家腦中浮現ê聲音自然會變成華語，無法度呈現角色原本ê語感，所以堅持倩顧問用台文書寫，嘛請人來配台語，予遊戲玩家直接感受台語kah遊戲ê結合。 Maso表示，台文遊戲推出以後，也吸引親子kah少年族群關注，有遊戲玩家透過《廖添丁》遊戲開始接觸台文，甚至佇直播內底引發討論，展現語言推廣ê無仝可能性。 毋過，台灣遊戲產業猶原面對資金kah規模限制，較僫發展大型作品。Maso認為，台灣優勢是自由ê創作環境，會當自小型ê作品開始累積，建立在地IP。未來結合文化、故事kah遊戲設計，台語內容真有機會，透過數位遊戲產業，形成長期ê影響力。