Zyrglītu i uodu apstruodis meistari Irena Baufele i Pīters Reiniks

Turpynojūt stuosteit par omotim, kuri Latgolā nazkod bejuši gūdā i tūs protuši daudzi, bet niu taidu meistaru palics vysā moz, dūdamīs iz Rēzeknis nūvoda Veremu pogostu pi zyrglītu i uodyu apstruodis meistarim, saimisteibys „Apkalnmājas” saiminīkim Irenys Baufelis i Pītera Reinika. Jī puorzyna i izgatavej vysaidys zyrglītys – īmauktus, apaušus, sedulkys, sokys, grūžus, pavodys i dzaunkšys, taipoš ari modelej i izgatavej jūstys, sumcenis i vysa kū cytu. Irena stuosta, ka sadlus vys jī nataisūt, viņ remontejūt. Kas zeimeigi, saimisteiba „Apkalnmājas” atsarūn senejuo zyrgu ceļa Varšava–Sakntpīterburga molā. Bet eistynuos Irenys vacuotāva „Apkalnmājas” sovulaik atsaroda, pa tū pošu zyrgu ceļu iz ūtru pusi braucūt – Maltys apleicīnē. Nu tīnis ari Irenai dzymuse mīlesteiba pret itim graciozim dzeivinīkim – zyrgim. Irenys Baufelis dorbavīta Latgolā garus godus beja Latgolys vaļsts cyltslītu i muoksleiguos apsākluošonys staceja Viļānu pusā. Tī Irena satyka sovu dzeivysbīdru Pīteri Reiniku, kurs tīpoš struoduojs par vetuorstu. Sovpus jau nu 1997. goda jī sovu i sova omota laimi atroduši zemnīku saimisteibā „Apkalnmājas”.   {module widgetid="4" id="media" action="galleryitem" galleryid="942" layoutid="49" layout="singlegallery" static=""}